Scéim Caipitil Ceoil 2025 - Dámhachtain Pianó

Dearadh na treoirlínte seo chun tacú leat iarratas dhéanamh ar an Scéim Caipitil Ceoil 2025 Dámhachtain 5.

Tá 5 chuid sna treoirlínte seo:

• Cuid 1: Forbhreathnú ar an dámhachtain (leathanach 1)

• Cuid 2: Cé a fhéadfaidh iarratas a dhéanamh – agus cé nach bhféadfaidh (leathanach 2)

• Cuid 3: Cad is féidir iarratas a dhéanamh air – agus cad nach féidir (leathanach 3)

• Cuid 4: An próiseas iarratais agus measúnaithe (leathanaigh 3–5)

• Cuid 5: Iarratasóirí a éiríonn leo (leathanaigh 5–6)

Cuirimid fáilte roimh iarratais ó eagraíochtaí a sholáthraíonn clár ceoil ardchaighdeáin ar feadh na bliana, a thacaíonn le hobair ceoltóirí gairmiúla (mar shampla trí dheiseanna forbartha gairmiúla ar nós cónaitheachtaí d’ealaíontóirí, máistir-ranganna srl.), agus a bhfuil dea-theist láidir acu i rannpháirtíocht lucht féachana agus pobail.

Is é €300,000 an maoiniú iomlán atá ar fáil don Dámhachtain Pianó faoin Scéim Caipitil Ceoil 2025.

Cé a fhéadfaidh iarratas a dhéanamh?

✔ Ionaid ealaíon
✔ Léiritheoirí ceoil á a reáchtálann clár i spás taibhithe tiomnaithe.

Nóta: Féadfar iarratais a chur isteach i gcomhpháirtíocht le hÚdarás Áitiúil i gcás gurb é an t-ionad nó an léiritheoir an príomhpháirtí.

Ní mór d’iarratasóirí:

• a bheith lonnaithe i bPoblacht na hÉireann
• gan pianó mór caighdeánach ceolchoirme i riocht taibhithe a bheith acu in situ faoi láthair
• a bheith bainistithe ar leibhéal gairmiúil agus dea-chleachtas a chleachtadh maidir lena rialachas agus a n-oibríochtaí
• a bheith in ann a léiriú go soláthraíonn siad na nithe seo a leanas go léir:
• clárú ceolchoirme den chaighdeán gairmiúil is airde
• clár ceoil ar feadh na bliana do luchtanna féachana
• tacaíocht do cheoltóirí gairmiúla ina gcuid oibre (m.s. deiseanna forbartha gairmiúla amhail cónaitheachtaí d’ealaíontóirí, máistir-ranganna srl.) Nóta: cuirfear pleananna reatha agus pleananna as seo amach san áireamh

Cé nach bhféadfaidh iarratas a dhéanamh?

• ✖ Níl daoine aonair incháilithe chun iarratas a dhéanamh ar an dámhachtain seo.

Tá Music Network tiomanta do chothromas agus d’ionchuimsiú agus fáiltíonn sé roimh iarratais ó ionaid ealaíon agus ó léiritheoirí ceoil laistigh de phobail atá éagsúil ó thaobh cultúir de. Molann Music Network d’iarratasóirí ionchasacha atá faoi mhíchumas nó a bhfuil riachtanais rochtana acu ar mian leo iarratas a chur isteach thar ceann a n-ionaid nó a n-eagraíochta teagmháil a dhéanamh linn a luaithe is féidir ionas gur féidir gach iarracht freastal réasúnta a dhéanamh leo.

Cad is féidir leat iarratas a dhéanamh air

Féadfaidh pianónna a bheith nua nó athláimhe, agus féadfaidh iarratasóirí iarratas a dhéanamh ar:

• ✔ suas le 75% de chostas ceannaigh pianó mór caighdeánach ceolchoirme

nó

• ✔ suas le 70% de chostas athchóirithe pianó mór chun é a thabhairt suas go caighdeán ceolchoirme (seachas go bhfuil costas an athchóirithe €15,000 nó níos lú, agus sa chás sin laghdófar an céatadán go 50%).

Nóta: Is féidir freisin aon chostais athchóirithe is gá chun uirlis athláimhe a thabhairt suas go caighdeán ceolchoirme a áireamh sa bhreis ar phraghas ceannaigh na huirlise.

Cad nach féidir leat iarratas a dhéanamh air

• ✖ Níl mionobair dheisiúcháin ná tiúnáil gan trácht ar obair eile incháilithe faoin dámhachtain seo.

Cad is brí le ‘pianónna móra ar chaighdeán ceolchoirme’

Is éard atá i gceist againn ná pianónna móra ar ardchaighdeáin (mar shampla Yamaha, Steinway, Kawai nó a leithéid) atá de mhéid, cumhacht agus láine oiriúnach don spás ina seinnfear iad.

I gcás ceannaigh atá beartaithe, moltar go láidir d’iarratasóirí dul i gcomhairle le teicneoir pianó agus iad ag ullmhú a n-iarratas, chun a dheimhniú go bhfuil méid agus sonraíochtaí an phianó roghnaithe oiriúnach dá spás taibhithe.

Céim 1: Iarratas a chur isteach

Ní mór d’iarratasóirí foirm iarratais a chur isteach ar líne.

Tabhair faoi deara: ní bheidh d’iarratas incháilithe mura n-áireofar an t-eolas agus na hábhair tacaíochta go léir a iarrtar curtha leis.

Cuirfear na daoine a bheidh ar an ngearrliosta chun dul ar aghaidh go Céim 2 ar an eolas trí ríomhphost i mí Aibreáin 2026.

Céim 2: Measúnú & cinneadh

Tabharfar cuireadh d’iarratasóirí ar an ngearrliosta freastal ar agallamh ar líne le painéal chun a n-iarratas a phlé agus chun cur síos níos leithne a dhéanamh ar na pleananna atá leagtha amach acu. Beidh agallaimh ar líne ar siúl i rith mhí Aibreáin/Bhealtaine 2026 (dátaí agus amanna le deimhniú). Cuirfear iarratasóirí ar an eolas faoi thoradh a n-agallamh trí ríomhphost.

Tar éis a n-agallaimh, ní mór do na daoine ar an ngearrliosta cuairt láithreáin ó chomhairleoir teicniúil na scéime a éascú agus féadfar iarraidh orthu togra athbhreithnithe a chur isteach bunaithe ar aiseolas. Féadfar dara hagallaimh a reáchtáil freisin más gá. Tar éis cuairteanna láithreáin agus ath-iarratais/dara hagallaimh, déanfaidh an painéal cinntí maoinithe deiridh.

Cuir iarratas isteach faoi 2in, Déardaoin an 2 Aibreán 2026. Ní ghlacfar le hiarratais dhéanacha. Tabhair faoi deara le do thoil go mbeidh iarratasóirí dícháilithe mar thoradh ar stocaireacht, ag aon chéim den phróiseas.

Ba chóir d’iarratasóirí cuairt a thabhairt ar www.musicnetwork.ie agus a bpróifíl a chruthú ar an tairseach iarratais. Ansin, is féidir leo a bhfoirm iarratais a chomhlánú i gcéimeanna (an fhoirm a chomhlánú agus ábhair thacaíochta a ullmhú agus a uaslódáil) i rith na tréimhse iarratais. Ní mór gach ábhar iarratais a chur isteach tríd an tairseach iarratais ar líne faoi 2in, Déardaoin an 2 Aibreán 2026.

1. Sonraí chlár ceoil an iarratasóra le dhá bhliain anuas (lena n-áirítear taibhithe ceolchoirme agus aon ghníomhaíocht ceoil breise)
2. Sonraí faoi leibhéil rannpháirtíochta reatha an lucht féachana ar fud na seánraí ceoil cláraithe agus aon chineálacha éagsúla d’imeachtaí ceoil
3. Sonraí faoi phleananna cláraithe as seo amach, ag léiriú an tionchar a bheadh ​​ag pianó mór caighdeánach ceolchoirme in situ orthu seo, agus ar leibhéil rannpháirtíochta an lucht féachana agus an phobail
4. Sonraí faoi cá háit a mbeadh pianó suite, agus pleananna maidir le cothabháil agus tiúnáil rialta
5. Deimhniú go gcloíonn an t-ionad ealaíon/eagraíocht léiriúcháin le dea-chleachtas maidir lena rialachas agus a oibríochtaí.

Ní mór an t-eolas thuasluaite go léir a chur isteach chun go measfar iarratas a bheith incháilithe. Iarrfar ar iarratasóirí a dtugtar cuireadh dóibh dul ar aghaidh go Céim 2 den phróiseas míniú a thabhairt ar an gcaoi a bhfuil sé beartaithe acu pianó a fháil, cé na saineolaithe/soláthraithe a n-oibreoidh siad leo, dearbhú a thabhairt gur féidir an maoiniú meaitseála riachtanach a fháil agus d’fhéadfaí a iarraidh orthu eolas bhreise a sholáthar.

Nóta: Forchoimeádann Music Network an ceart gan cistí a dhámhachtain mura bhfaightear dóthain iarratas ar ardchaighdeáin. Ní ráthaíonn comhlíonadh na gcritéar incháilitheachta maoiniú as féin. Beidh cinneadh an phainéil críochnaitheach.

Déanfar iarratais a mheas de réir na gcritéar seo a leanas:

1. Dea-theist i gclárú ceoil agus rannpháirtíocht lucht féachana
2. Pleananna cláraithe as seo amach lena n-áirítear cláir cheolchoirme, tacaíocht do cheoltóirí gairmiúla agus rannpháirtíocht lucht féachana/pobail
3. Riachtanas léirithe do thacaíocht ón scéim seo
4. Indéantacht[1] an togra.

Tabhair faoi deara: tá sé tábhachtach na critéir go léir a bhreithniú go cúramach agus d’iarratas á ullmhú agat mar is próiseas iomaíoch é seo agus cuirfear na ceithre chritéir go léir san áireamh le linn an phróisis mheasúnaithe.

[1] Áireofar ar na breithnithe féidearthachta cumas an iarratasóra pleananna cláraithe as seo amach a chur i gcrích, an maoiniú riachtanach a fhoinsiú, cloí le ceanglais soláthair phoiblí agus aire chuí a thabhairt don phianó (i.e. coinneáil, cothabháil leanúnach agus tiúnáil).

Féadfaidh iarratasóirí nach n-éiríonn leo aiseolas a iarraidh ó Music Network laistigh de 2 mhí ó fháil na dtorthaí, agus féadfaidh siad iarratas a dhéanamh arís sna blianta ina dhiaidh sin.

Is féidir fiosrúcháin ghinearálta a sheoladh chuig Music Network, capitalscheme@musicnetwork.ie / 083 0162718.

Aontaíonn na dámhachtaithe:

• Iosmhéid de 25% de chostas ceannaigh nó 30%/50% de chostas athchóirithe an phianó mhóir roghnaithe a mhaoiniú. Ní féidir lascaine ón soláthraí/teicneoir ionstraime a áireamh i ranníocaíocht an dámhachtaí .i. ní mór aon lascaine a asbhaint roimh an céatadán miondealaithe a ríomh.
• cloí le treoirlínte soláthair phoiblí agus pianó/seirbhís athchóirithe á soláthar i.e. ag brath ar chostas foriomlán na huirlise nó na seirbhíse, ní mór cruthúnas i bhfoirm trí luachan ó sholáthraithe ar leithligh nó go ndearnadh próiseas ríomhthairisceana a chur isteach chuig Music Network sula dtarraingítear anuas dámhachtain.
• sonraí cuntais bhainc a sholáthar in ainm na heagraíochta chun an dámhachtain a tharraingt anuas. I gcás dámhachtainí €10,000, ní mór sonraí imréitigh cánach (Uimhir Thagartha Cánach agus Uimhir Rochtana Imréitigh Cánach) in ainm na heagraíochta dámhachtana a sholáthar freisin.
• cóip de na hadmhálacha gaolmhara le haghaidh ceannach/athchóiriú an phianó roghnaithe a sholáthar do Music Network laistigh de 6 mhí ó tharraingt anuas na dámhachtana. I gcás nach bhfaighfear an doiciméadacht sin, caillfidh an dámhachtaí an dámhachtain agus aisíocfaidh sé na cistí le Music Network. Má bhíonn an costas deiridh níos ísle ná mar a bhíothas ag súil leis, aisíocfaidh an dámhachtaí an chuid neamhúsáidte den dámhachtain le Music Network le cur le ciste dámhachtana Scéim Chaipitil Ceoil do na blianta ina dhiaidh sin.
• Foirm Dhearbhaithe a shíniú ag deimhniú go nglacann siad leis coinníollacha go léir na dámhachtana agus go gcomhlíonann siad dea-chleachtas i ndáil le rialachas agus oibríochtaí.
• polasaí soiléir a oibriú maidir le húsáid an phianó, lena n-áirítear soláthar leordhóthanach a dhéanamh dá choinneáil, árachas, chúram, chothabháil agus dheisiú.
• tacaíocht Music Network agus na Roinne Cultúir, Cumarsáide agus Spóirt a admháil in ábhar poiblíochta, ó dháta na dámhachtana, ar feadh shaolré an phianó. Seolfar na lógónna ábhartha agus teimpléad don téacs admhála chuig na dámhachtaithe tar éis torthaí na dámhachtana a dheimhniú. Beidh ar na dámhachtaithe cruthúnas admhála a chur isteach lena dtuarascálacha bliantúla i.e. soláthar clár ceolchoirme samplacha, seat scáileáin de láithreáin ghréasáin, póstaeir, bileoga srl. a bhfuil an admháil orthu.
• tuarascálacha bliantúla a sholáthar do Music Network maidir le húsáid na huirlise ar feadh cúig bliana ón dáta a shuiteálfar an pianó.
• cuairteanna suímh ó Music Network a éascú le linn an phróisis mheasúnaithe agus/nó i ndiaidh dámhachtain a bhronnadh.
• gan an uirlis atá maoinithe faoin scéim seo a dhíol ná a dhiúscairt ar shlí eile. Mura bhfuil an uirlis in úsáid a thuilleadh le haghaidh taibhithe, nó má tá sé beartaithe ag an dámhachtaí scor d’oibríochtaí, ní mór Music Network a chur ar an eolas a luaithe is féidir. Tar éis plé le Music Network, aistreoidh an dámhachtaí an uirlis chuig ionad/eagraíocht chuí (le plé agus le comhaontú le Music Network) nó díolfaidh sé an uirlis agus aisíocfaidh sé an céatadán ábhartha de na cistí a bailíodh. Cuirfear é seo le ciste na Scéime Caipitil Ceoil ansin do na blianta ina dhiaidh sin.
• a bheith faoi cheangal choinníollacha na dámhachtana. I gcás ina sáraíonn dámhachtanaí na coinníollacha, beidh ar an dámhachtanaí an méid a bronnadh a aisíoc le Music Network. Cuirfear é seo le ciste na Scéime Caipitil Ceoil ansin do na blianta ina dhiaidh sin agus ní bheidh an t-ionad ealaíon/láithreoir ceoil incháilithe chun iarratas a dhéanamh ar Dhámhachtain Pianó faoin Scéim Caipitil Ceoil sna blianta ina dhiaidh sin.