Bailiúchán Náisiúnta Uirlisí de chuid Líonra Ceoil

Dearadh an tionscnamh seo chun dul i ngleic leis na dúshláin faoi leith a bhíonn roimh ceoltóirí clasaiceacha gairmiúla. Is bac é do cheoltóirí clasaiceacha den scoth, agus iad ag iarradh slí bheatha a bhaint amach, nach bhfuil rochtain acu ar uirlis atá oiriúnach dóibh.

Tríd an Scéim Caipitil Ceoil, tabharfar téaduirlisí ar iasacht ar feadh tréimhse 3 bliana do sheinnteoirí eisceachtúla. D’fhéadfaí suas le €5,000 a thairiscint dóibh freisin chun bogha nua a cheannach, agus má dhéanann siad é sin, is leo a bhainfidh sé agus beidh siad ábalta é a choimeád.

Faoi láthair, is féidir le veidhleadóirí, vióladóirí agus dordveidhleadóirí ardleibhéil, atá ag tosú amach ina ngairm mar sheinnteoirí gairmiúla, cur isteach ar an dámhachtain. Ní mór dóibh a bheith ina saoránaigh Éireannacha nó ina gcónaí i bPoblacht na hÉireann.

Faoi láthair, tá cúig uirlis ón mbailiúchán ar fáil tríd an dámhachtain seo:

• Veidhlín: Gand & Bernardel Frères (1880)
  
• Veidhlín: Stephan von Baehr (2007)
  
• Veidhlín: Alexandre Valois (2024)
  
• Vióla: Charles John Wilkinson (1930)
  
• Dordveidhil & Bogha O’Neill: Conor Russell, dordveidhil (2015), Robert Pierce, bogha (2016)
  

Leanfaimid orainn ag obair chun cur leis an mbailiúchán náisiunta seo, rud a chuirfidh ar chumas ár gceoltóirí dul faoi bhláth agus beidh rochtain ag na glúnta atá le teacht ar na mbailiúchán luachmhar seo.