Is é €300,000 an maoiniú iomlán atá ar fáil don bhabhta reatha den Dámhachtain Pianó faoin Scéim Caipitil Ceoil

Féadfaidh pianónna a bheith nua nó athláimhe, agus féadfaidh iarratasóirí iarratas a dhéanamh ar:

• suas le 75% de chostas ceannaigh pianó mór caighdeánach ceolchoirme. Faoin scéim beidh fáilte roimh iarratais maidir le gach branda ardchaighdeáin (mar shampla Steinway, Yamaha, Kawai agus a leithéid), idir nua agus athláimhe. Is féidir aon chostais athchóirithe is gá chun uirlis athláimhe a thabhairt suas go caighdeán ceolchoirme a áireamh sa bhreis ar phraghas ceannaigh na huirlise.

Nó

• suas le 70% de chostas athchóirithe pianó mór chun é a thabhairt suas go caighdeán ceolchoirme, a sa chás go bhfuil costas an athchóirithe €15,000 nó níos lú, agus sa chás sin laghdófar an céatadán go 50%.

• Ionaid ealaíon
• Léiritheoirí ceoil á a reáchtálann clár i spás taibhithe tiomnaithe.

Nóta: Féadfar iarratais a chur isteach i gcomhpháirtíocht le hÚdarás Áitiúil i gcás gurb é an t-ionad nó an léiritheoir an príomhpháirtí. Níl daoine aonair incháilithe chun iarratas a dhéanamh ar an dámhachtain seo.

Ní mór d’iarratasóirí:

• a bheith lonnaithe i bPoblacht na hÉireann
• gan pianó mór caighdeánach ceolchoirme i riocht taibhithe a bheith acu faoi láthair
• a bheith bainistithe ar leibhéal gairmiúil agus dea-chleachtas a chleachtadh maidir lena rialachas agus a n-oibríochtaí
• a bheith in ann a léiriú go soláthraíonn siad na nithe seo a leanas go léir:
• clárú ceolchoirme den chaighdeán gairmiúil is airde
• clár ceoil ar feadh na bliana do luchtanna féachana
• tacaíocht do cheoltóirí gairmiúla ina gcuid oibre e.g. deiseanna forbartha gairmiúla amhail cónaitheachtaí d’ealaíontóirí, máistir-ranganna srl. (cuirfear pleananna reatha agus pleananna as seo amach san áireamh)
• dea-theist láidir rannpháirtíochta lena bpobal áitiúil a bheith acu.

Tá Music Network tiomanta do chothromas agus d’ionchuimsiú agus fáiltíonn sé roimh iarratais ó ionaid ealaíon agus ó léiritheoirí ceoil laistigh de phobail atá éagsúil ó thaobh cultúir de. Molann Music Network d’iarratasóirí ionchasacha atá faoi mhíchumas nó a bhfuil riachtanais rochtana acu ar mian leo iarratas a chur isteach thar ceann a n-ionaid nó a n-eagraíochta teagmháil a dhéanamh linn a luaithe is féidir ionas gur féidir gach iarracht freastal réasúnta a dhéanamh leo.

Déan iarratas ar líne faoi 2i.n. Déardaoin an 2 Aibreán 2026. Ní ghlacfar le hiarratais dhéanacha.

Chomh maith le d’fhoirm iarratais ar líne, beidh ort na nithe seo a leanas a chur isteach freisin :

• Sonraí chláir cheoil an iarratasóra le dhá bhliain anuas (lena n-áirítear taibhithe ceolchoirme agus aon ghníomhaíochtaí ceoil breise)
• Sonraí faoi leibhéil rannpháirtíochta reatha lucht féachana ar fud na seánraí ceoil cláraithe agus aon chineálacha éagsúla d’imeachtaí ceoil
• Sonraí faoi phleananna cláraithe as seo amach, ag léiriú an tionchar a bheadh ​​ag pianó mór caighdeánach ceolchoirme in situ orthu seo, agus ar leibhéil rannpháirtíochta an lucht féachana agus an phobail
• Sonraí faoi cá háit a mbeadh pianó suite, agus pleananna maidir le cothabháil agus tiúnáil rialta
• Deimhniú go gcloíonn an t-ionad ealaíon/eagraíocht léiriúcháin le dea-chleachtas maidir lena rialachas agus a oibríochtaí.

Tabharfar cuireadh d’iarratasóirí ar an ngearrliosta freastal ar agallamh ar líne mí Aibreáin/Bealtaine 2026. Féadfar dara hagallaimh a reáchtáil freisin más gá.

Is féidir tuilleadh eolais faoin bpróiseas iarratais agus conas iarratas a dhéanamh a fháil inár dtreoirlínte iarratais thíos.

Beidh seisiún eolais ar líne againn d’iarratasóirí Dé Máirt an 3 Márta ag 11r.n.

Is féidir aon cheisteanna maidir le Dámhachtain Pianó faoin Scéim Caipitil Ceoil a sheoladh chuig Sarah Ledwidge, Bainisteoir Scéim Caipitil Ceoil ag capitalscheme@musicnetwork.ie nó glaoigh ar 083 016 2718.

Spriocdháta d’Iarratais: Déardaoin an 2 Aibreán 2026 faoi 2i.n.