Scéim Caipitil Ceoil 2025 Dámhachtain 2 Treoirlínte

Dearadh na treoirlínte seo chun tacú leat iarratas dhéanamh ar an Scéim Caipitil Ceoil 2025 Dámhachtain 2.

Tá 6 chuid ag baint leis na treoirlínte seo:

• Cuid 1: Gearrchuntas ar an dámhachtain
• Cuid 2: Gearrchuntas ar an maoiniú
• Cuid 3: Cé ar féidir leo iarratas a dhéanamh – agus nach féidir leo
• Cuid 4: Cad is féidir leat cur isteach air – agus cad nach féidir leat cur isteach air
• Cuid 5: Conas iarratas a dhéanamh
• Cuid 6: Nós imeachta measúnachta

Dearadh an Scéim Caipitil Ceoil de chuid Music Network chun tacaíocht a sholáthar le go gceannófar uirlisí ceoil agus ábhar bainteach eile le haghaidh ceolchoirmeacha nó léiriúcháin de cheol beo.

Tá Dámhachtain 2 dírithe ar cheoltóirí taibhithe seanbhunaithe a oibríonn ar bhonn gairmiúil.
Is í an aidhm taobh thiar den scéim ná tacú leis na ceoltóirí seo:

• ✔ Uirlisí ceoil ar ardchaighdeán a cheannach
• ✔ Uirlisí ceoil ar ard chaighdeán a chothabháil nó a dheisiú
• ✔ Míreanna nó trealamh faoi leith a cheannach, ar nós cásanna d’uirlisí, oiriúintí agus trealamh leictreonach don taibhiú beo (tuilleadh samplaí ar leathanach 3-4).

Cad atá i gceist le ‘cheoltóirí taibhithe seanbhunaithe a oibríonn ar bhonn gairmiúil’?
Sin ceoltóirí os cionn 18 a bhíonn ag seinm go poiblí i stíl cheoil ar bith, a bhfuil dea-theist acu ceoil a dhéanamh go gairmiúil. Is cuma mura dtuilleann tú ioncam go leanúnach nó ón gceol amháin. Is leor go n-aithníonn tú, agus go n-aithníonn do phiaraí, gur cheoltóir taibhithe gairmiúil atá ionat.

Tá Music Network tiomanta don chothromas agus don ionchuimsiú, agus spreagtar do dhaoine aonair ó chúlraí agus ó phobail éagsúla iarratas a dhéanamh.

Maoiniú foriomlán

Is é méid an mhaoinithe atá ar fáil don Scéim Caipitil Ceoil 2025 Dámhachtain 2 ná €340,000.

Cé mhéad ar féidir liom cur isteach air

Is féidir leat iarratas a dhéanamh ar suas le 75% de chostas iomlán na n-earraí molta.

Ní mór duit an 25% eile a mhaoiniú agus ní mór duit a léiriú san fhoirm iarratais conas a dhéanfaidh tú é seo.

Má tá costais ag baint le seachadadh na n-earraí (ar nós táillí seachadta, táillí bainc, táillí iompórtála), ní féidir an dámhachtain a úsáid chun iad a íoc. Ciallaíonn sé seo go gcaithfidh tú na muirir seo a íoc.

Cé atá i dteideal iarratas a dhéanamh?

• ✔ Ceoltóirí taibhithe seanbhunaithe a oibríonn ar bhonn gairmiúil (féach sainmhíniú ar leathanach 1) atá:
  • 18 nó os a chionn
    agus
  • Lonnaithe i bPoblacht na hÉireann (féach sainmhíniú thíos).

D’fhéadfadh Iarratasóirí ar Dhámhachtain 2 a bheith ag obair mar thaibheoirí ar ardleibhéal i:

• Stíl cheoil ar bith
• Mar aonréadaí

agus/nó

• Mar chuid de ghrúpa nó ensemble beag.

Cad a chiallaíonn ‘lonnaithe’ i bPoblacht na hÉireann?

De réir sainmhínithe na gCoimisinéirí Ioncaim, is éard atá i gceist le ‘Cónaitheacht’ ná:

Tá tú i do chónaí in Éirinn chun críocha cánach má tá tú i láthair in Éirinn ar feadh:

• 183 days or more in a tax year 183 lá nó níos mó in aon bhliain chánach amháin

nó

• 280 lá nó níos mó san iomlán, má chuirtear le chéile an bhliain chánach reatha agus an bhliain chánach roimhe sin. Ní mheastar go bhfuil tú lonnaithe in Éirinn má chaitheann tú 30 lá nó nios lú anseo in aon bhliain chánach amháin.

Beidh Uimhir Phearsanta Seirbhíse Poiblí atá bailí ag cónaitheoirí. Tabhair cuairt ar ag www.revenue.ie le haghaidh eolais bhreise.

Tá roinnt eisceachtaí ann a ligeann do cheoltóirí atá lonnaithe lasmuigh de Phoblacht na hÉireann iarratas a dhéanamh. I gcásanna mar sin, ba chóir duit a lua go soiléir i d’iarratas conas a dhéanfadh do thogra tairbhe do na h-ealaíona i bPoblacht na hÉireann.

Cé nach féidir leo iarratas a dhéanamh?

• Daoine aonair faoi bhun 18
• Dámhachtaithe roimhe seo den Scéim Caipitil Ceoil nár chloí le coinníollacha na dámhachtana ar bronnadh orthu.

Ní mór go mbeidh na rudaí seo i gceist nuair a dhéanann tú iarratas:

• go n-úsáidfear na huirlisí don cheol beo go príomha
  agus
• go mbainfidh d’iarratas le príomhuirlis ar ar féidir leat dea-theist a léiriú.

Thíosluaite feicfidh tú samplaí d’earraí atá clúdaithe agus nach bhfuil clúdaithe ag an dámhachtain. Ní áirítear gach féidearthacht leis na samplaí thíos. Déan teagmháil le Music Network má tá ceist agat maidir leis seo.

Earraí atá clúdaithe

• ✔ Uirlisí nua nó uirlisí athláimhe ar ardchaighdéan
• ✔ Deisiúchán aon uaire ar uirlis nó costais chothabhála
• ✔ Oiriúintí uirlise (mar shampla: boghanna, téada, roisín, taca gualainne, druma chinn, bataí, scuabanna, maothadóirí, strapaí, feagacha, béalóga)
• ✔ Cásanna uirlise
• ✔ Seastáin uirlise
• ✔ Trealamh leictreonach taibhithe (mar shampla: éifeachtaí, troitheáin, cáblaí, aimplitheoirí uirlise, córas fógartha poiblí agus micreafóin, MDI, trealamh do DJ nó bogearraí a úsáidtear don taibhiú beo amháin)
• ✔ Stólanna speisialaithe (nuair is gá)

Earraí nach bhfuil clúdaithe

• ✖ Ríomhairí/ríomhairí glúine
• ✖ Méadranóim
• ✖ Tiúnóirí
• ✖ Trealamh taifeadta/bogearraí

Ní mór d’iarratasóirí foirm iarratais a chomhlánú ar líne lena n-áirítear Ábhar Tacaíochta a uaslódáil (tuilleadh sonraí thíos).

Tabhair cuairt ar www.musicnetwork.ie agus ullmhaigh do phróifíl ar an tairseach iarratais ar líne.

Nuair a bheidh sé seo déanta agat, is féidir leat tús a chur leis an iarratas i gcéimeanna le linn na tréimhse iarratais. Déantar dréachtanna a shábháil go huathoibríoch, ach déan do dhréacht is déanaí a sheiceáil sula bhfágann tú an tairseach.

Tá 5 mhír san fhoirm iarratais. Iarrtar sonraí faoi do shlí bheatha san fhoirm maidir le:

• do chúlra ceoil
• do phleananna gairme don todhchaí.

Iarrtar ort freisin faoin earra/na míreanna is mian leat a cheannach:

• costas an ruda agus aon chostas eile a ghabhann leis
• your funding contribution towards the cost (25% of the total price) do ranníocaíocht mhaoinithe i leith an chostais (25% den phraghas iomlán)
• cén fáth a bhfuil siad de dhíth ort.

Iarrann sé ort freisin Ábhar Tacaíóchta a sholáthar (féach Céim 3).

Iarrtar ort san fhoirm iarratais 3 chineál Ábhar Tacaíochta a uaslódáil (féach na 3 phointe thíos). Tá an t-ábhar seo ag teastáil ón bpainéal measúnaithe chun cabhrú leo measúnú a dhéanamh ar d’iarratas. Mura uaslódáiltear an tÁbhar Tacaíochta go léir, ní féidir d’iarratas a mheasúnú ina iomláine.

Glacann ár gcóras ar líne leis an gcuid is mó d’fhormáidí comhaid, comhaid MS Word, Excel, JPEG, PDF agus MP3 san áireamh.

1. CV (Curriculum Vitae)

Ná bíodh do CV níos faide ná dhá leathanach, agus cuir na rudaí a leanas ann:

• d’oideachas agus oiliúint
• do thaithí maidir le taibhiú
• ainmneacha na ngrúpaí agus/nó na gceoltóirí ar oibrigh tú leo.

2. Taifeadadh fuaime nó fístaifeadadh – agus doiciméad gearr

Ní mór duit dhá thaifeadadh ceoil a bhfuil codarsnacht eatarthu a chur isteach agus a léiríonn do scileanna taibhithe.

Ní mór duit freisin doiciméad gearr a uaslódáil ina liostáiltear na sonraí a leanas do gach taifeadadh:

• Cén áit ar chóir don phainéal measúnachta tús a chur leis an éisteacht agus cén áit ar chóir dóibh stopadh (mar shampla, má chuireann tú taifeadadh fuaime nó fístaifeadadh de cheolchoirm iomlán isteach, inis dúinn, le do thoil, cén chuid den cheolchoirm ar chóir dúinn éisteacht léi tríd na hamanna tosaigh agus deiridh a lua)
• Cén áit agus cathain ar rinneadh na taifeadtaí.

Is féidir leat taifeadtaí fuaime a uaslódáil go díreach i bhformáid MP3 go dtí an fhoirm iarratais ar líne.

Is féidir naisc go fístaifeadtaí agus taifeadtaí fuaime i bhformáidí eile, a chur isteach i do dhoiciméad gearr.

Nóta: Mura féidir leis an bpainéal measúnachta teacht ar na naisc, ní bheidh ar a gcumas measúnú iomlán a dhéanamh ar d’iarratas. Déan cinnte de, mar sin, go bhfuil rochtain phoiblí ar na naisc agus ar na comhaid, nó cuir pasfhocal ar fáil, más gá.

3. Dhá mheastachán do gach earra, ó sholáthróirí éagsúla
Don dámhachtain seo, ní mór duit meastacháin a lorg do gach earra ó dhá sholáthróir difriúil. Tá na meastacháin riachtanach chun comparáid a dhéanamh ionas gur féidir a léiriú go bhfuil luach ar airgead á sholáthar.

Ní mór na sonraí a leanas a thaispeáint go soiléir i ngach meastachán:

• Ainm an tsoláthróra
• Sonraíocht na huirlis nó an ruda atá le ceannach
• Costas.

Is féidir na meastacháin a uaslódáil sna formáidí a leanas:

• ✔ gabháil scáileáin ó shuíomh gréasáin an tsoláthróra

nó

• ✔ ríomhphost nó litir ón soláthróir.

• ✖ Ní ghlactar le naisc chuig suíomhanna gréasáin soláthróirí mar d’fhéadfadh athrú teacht orthu nó d’fhéadfadh siad a bheith neamhghníomhach.

Más uirlisí saincheaptha atá i gceist, ba chóir go mbainfidh an dara meastachán le huirlis inchomparáide. Déan teagmhail le Music Network má tá aon cheist agat.

Ní mór an t-iarratas comhlánaithe a chur isteach tríd an tairseach ar líne roimh 2pm, Déardaoin 27 Samhain 2025.

Má chuireann tú d’iarratas isteach roimh an spriocdháta, gheobhaidh tú uath-ríomhphost ina ndeirtear leat gur éirigh leapt an t-iarratas a chur isteach.

Nóta: Seans go rachaidh an t-uath-ríomhphost seo go dtí do chomad turscair. Mura bhfaigheann tú an ríomhphost seo, ciallaíonn sé nár cuireadh an t-iarratas isteach i gceart. Sa chás seo, is ortsa atá an fhreagracht dul i dteagmháil le Líonra Ceoil. Ba chóir duit am a fhágáil chun d’iarratas a chur isteach arís (más gá) roimh an spriocdháta.

Ní ghlacfar le d’iarratas sna cásanna a leanas:

• Tagann sé isteach chugainn déanach, i ndiaidh an spriocdháta: 2pm, Déardaoin 27 Samhain 2025.

• Níl an tÁbhar Tacaíochta go léir istigh ann.

• Ní chloíonn sé le coinníollacha na dámhachtana.

• Baineann sé le rudaí ar ceannaíodh cheana féin nó le deisiúcháin ar rinneadh sular rinneadh an cinneadh iad a mhaoiniú

• Níor comhlánaíodh an t-iarratas go hiomlán. Cuir isteach ‘N/A’ in aon chuid den iarratas nach mbaineann leatsa, más gá.

Céim 1: Déanfaidh comhairleoir neamhspleách measúnú ar gach iarratas incháilithe bunaithe ar na critéir roghnúcháin ar leathanach 8.

Ag brath ar líon na n-iarratas, cuirfidh siad gearrliosta le chéile.

Céim 2: Ansin déanfaidh an painéal cinneadh maidir le conas maoiniú a leithdháileadh idir na hiarrastasóirí ar éirigh leo. Sa phainéal, áirítear ionadaithe ó Music Network agus cleachtóirí ábhartha ó chúlraí ceoil éagsúla. An cinneadh a dhéanfaidh an painéal, sin é an cinneadh deiridh.

D’fhéadfadh an painéal cinneadh a dhéanamh gan méid iomlán na dámhachtana a bhronnadh mura bhfaightear dóthain iarratas atá ar ardchaighdeáin.

Cé gur mian leis an bpainéal tacú le hiarratasóirí a chomhlíonann na critéir, tá an maoiniú teoranta agus tá an próiseas an-iomaíoch. Ciallaíonn sé seo nach bhfuil aon chinnteacht ann go bhfaighidh tú maoiniú cé go bhfuil na critéir comhlíonta agat.

Tabhair do d’aire –ní cheadaítear stocaireacht – iarracht a dhéanamh tionchar a imirt ar an gcinneadh taobh amuigh den phróiseas iarratais oifigiúil.

Critéir roghnúcháin
Déanfar d’iarratas a mheasúnú bunaithe ar na trí chritéir liostaithe sa tábla thíos atá ualaithe de réir na gcéatadán liostaithe. Má tharlaíonn sé go bhfuil iarratasóirí ar chomhscór, úsáidfear dea-theist an iarratasóra mar phríomhchritéir roghnúcháin.

You must read and:

• agree to comply with the full conditions of the award as part of the application process

agus

• ní mór doiciméadú íostarraingthe a chomhlánú ina gcomhaontaíonn tú go gcomhlíonfaidh tú na coinníollach má éiríonn leat.